Google ADS

Ish-kryetari i Gjykatës Supreme: Askush nuk mund të ndiqet penalisht nëse ka votuar partinë e ndonjë komuniteti tjetër

23:33 | 24 Shkurt 2021
V. S.

Ish-kryetari i Gjykatës Supreme, Fejzullah Hasani ka thënë se nëse argumentohet me prova se është manipuluar në zgjedhje ata persona do të procedohet penalisht.

“Por ne nuk mund të ndjekim dikë penalisht vetëm pse ka votuar, pasi e dimë se vota është e fshehtë. Por edhe nëse e dimë se dikush ka votuar ndokënd të komunitetit që nuk përfaqëson, ai nuk mund të ndiqet penalisht për këtë gjë”.

Hasani thotë se nuk ka asnjë dilemë se votat janë orkestruar në zona të caktuara.

Ai thotë se edhe nëse manipulimi apo orkestrimi është bërë nga Serbia ata do të ndiqen penalisht posa të jenë të qasshëm.

Hasani ka thënë se në aspektin ligjor është shumë problem të rikuperohen këto vota.

“PZAP dhe Gjykata Supreme vështirë se mund të rikuperojnë diçka. Gjykata Kushtetuese mund të veprojë duke u bazuar në nene të caktuara ku mbrohet e drejta e minoriteteve për t’u përfaqësuar”, deklaroi më tej Fejzullah Hasani./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm